Дэлхий даяар түүнийг Ip Man гэх бөгөөд зарим хэсэг нь Yip Man гэх нь ч бий. Тэрээр дэлхий нийтэд дорно зүгийн кунг фү-ийн их багш хэмээн алдаршсан нэгэн. Yip Man нь Wing Chun заадаг байсан бөгөөд энэ нь Хятадын өмнө зүгийн 3000 жилийн түүхтэй хамгийн эртний кунг фү юм. Тэрээр уг тулааны спортыг өөрөө төгс эзэмшсэний дараа тоотой хэдэн гарын шавь бэлтгэн гаргаснаас хамгийн алдартай нь Bruce Lee юм.
Ip Man нь дэлхийн хоёрдугаар дайны өмнөх он жилүүдэд Foshan хотод 24 настайдаа цагдаагийн албан хаагчаар ажилд орж дэлхийн хоёрдугаар дайнд Чан Кайшигийн армид алба хаан дайн дууссаны дараа Foshan-д иргэн ирж цагдаагийн ажлаа хийжээ. Гэвч 1949 онд хүссэн хүсээгүй Хонк Конг уруу буцахаас өөр сонголтгүй болсон байна. Учир нь тэрээр Чан Кайшигийн талын хүн байсан бөгөөд Хятадад Мао Зедуны коммунист хувьсгал гарсан тул түүнд өөр сонголт үлдээгүй юм.
Тэрээр Хонг Конгд очин өөрийн күнг фү сургуулийг анх удаа нээж хэд хэдэн гарын шавьтай болсон байна. Түүний тулааны урлаг, техник гаргууд сайн байсан тул тун удалгүй алдаршиж эхэлжээ. Гэвч эдийн засгийн хямрал Хонк Конгийг тухайн үед тойроогүй дайраад гарсан тул түүний шавь нар багшаа аварч үлдэхийн тулд хандив цуглуулдаг байв. Түүнчлэн Ip Man нь марихуан өвс татдаг байсан ч шавь нар нь үүнийг нь огт хорилгүй харин ч марихуанд нь хандив, хөрөнгө оруулалт өгдөг байсан гэх.
Ip Man өөрийн амьдралын сүүлийн мөчийг хүртэл хүмүүст күнг фү заасаар байлаа. Тэрээр хэлэхдээ күнг фү бол ердөө нэг тулааны урсгал биш, харин өөрийн энергийг мэдрэх энергийн асар том дасгал хэмээн хэлдэг байв. Хэдий тэрээр хүчирхэг нэгэн байсан ч алтан дэлхийн жам ёсноос зугтаж чадалгүй 1972 оны 12-р сарын 2-ны өдөр буюу өөрийн хамгийн хайрт шавь Bruce Lee-г нас барахаас 7 сарын өмнө Хонг Конгд нас барсан юм. Гэсэн хэдий ч Ip Man өнөөдөр дэлхий нийтээр алдаршиж домог болж олон гайхалтай кинонуудыг түүнд зориулан бүтээсэн билээ.
