Энэ бүх хачирхалтай явдал 1991 онд New York хотын Manhattan дүүрэгт болжээ. Тэнгэрт тулсан өндөр барилгуудаар хүрээлэгдсэн нүсэр том хотын нэгэн цэгт 32 давхар засгийн газрын барилгыг барихаар ажилчид газар доош 9 метр ухаж байтал асар их хэмжээний хүний араг яс илэрсэн байна. Тухайн хавьд өөр газар мөн ухаж үзтэл араг яснууд гарч ирсээр байлаа. Энэ тухай хотын захиргаанаас асуухад тэдэнд мэдэх зүйл юу ч байсангүй. Иймээс эрдэмтдийг дуудаж хэдий үед нас барсан ямар хүмүүсийн яс болохыг тогтоолгохоор болжээ. Хамгийн аймшигтай нь Manhattan дүүргийн газар доороос 15,000 гаруй хүний цогцос олдсон байна.
Археологичид болон судлаачид уг яснуудыг судалж үзээд эдгээр цогцоснууд цөм 18-р зууны сүүл үед булсан өнгөт арьст боолуудын цогцос болохыг ядах юмгүй хэлж өгчээ. Ингээд тэднийг ямар учраас устгаж энд булсан болохыг олж мэдэхээр New York хотын архивыг судалж эхэлсэн байна. Ийнхүү тэд судлах явцдаа хэд хэдэн санаанд оромгүй баримтуудыг олж авсан юм. Тухайлбал 1840 он гэхэд New York хотын хүн амын 0 хувь буюу огт өнгөт арьст хүнгүй байсан тухай баримт байлаа. Энэ нь эдгээр боолуудын үхэлтэй шууд холбогдож байна хэмээн тэд итгэжээ.
Улам илүү судлах бүрт баримтууд гарч ирсээр байсан бөгөөд New York хот бол 13 колони буюу шинэ Английн хамгийн гол боомт хот, цай, кофег тус хотын боомтоор Их Британи, Энэтхэг уруу худалдаалахад хамгийн тохиромжтой байсан тул өнгөт арьстнуудын хүчээр босгоод тэднийг үгүй хийх бодлого баримталж байсан тухай 1680 аад оны баримтуудыг олж авчээ. Ийнхүү боолуудаар хотоо босгосны дараа 1794 он гэхэд эдгээр боолуудыг олноор нь устгаж заримыг нь өөр хотууд уруу нүүлгэн шилжүүлж зөвхөн Европ гаралтай цагаан арьстнуудын нутаг болгож байсныг тэд олж илрүүлжээ. Хамгийн харамсалтай нь хотын захиргаа 15,000 гаруй боолуудыг алж булчхаад тэднийг хэн ч санаж дурсахгүй хэмээн ямар ч тэмдэглэл үйлдэлгүй зүгээр л тэр чигт нь мартсан явдал байлаа. Одоо тэр газар Африк гаралтай Америкчуудын хүндэтгэлийн музей баригджээ.
