1982 оны 4-р сарын 2-ны өдөх Аргентины удирдагч генерал Leopoldo Galtier хөрш зэргэлдээ орших Их Британы эзэмшилд байдаг Falkland арал уруу довтлох тушаалыг ардын армын цэргүүддээ өгсөн байдаг. Уг арал нь Аргентин улсаас ердөө 480 км зайтай бол Их Британаас 12,000 км-ын зайтай байсан учир генерал Их Британыг цэргийн хүчээр эргүүлэн эзлэх боломжгүй хэмээн үзэж байв. Мөн уг арлыг эзэмшилдээ авснаар эдийн засгийн хүндрэл болон бусад асуудлыг шийдэж ард олны дунд газар нутгаа тэлснээр нэр хүнд нь өснө хэмээн найдаж байлаа. Иймдээ ч Аргентин асар их цэргийн хүчээр 1982 оны4-р сарын 3-ны өдөр тус арлыг эзэлж Их Британы цэргүүдийг олзлон Аргентины тугийг зоожээ.
Тухайн үед Их Британы ерөнхий сайд асан Маргарит Татчер уг арлыг ямар ч хамаагүй үнээр эзэлнэ хэмээн мэдэгдэж 30 байлдааны хөлөг онгоцыг 6000 тэнгисийн цэргийн хамт илгээжээ. Мөн эдгээр цэрэг техник дээр нэмээд 45 ширхэг сөнөөгч онгоц, цөөн тооны SAS-ын тусгай ажиллагааны цэргүүдийг явуулсан юм. Их Британы хүч Фалкланд аралд 5-р сарын эхээр ирэх үед тэднийг асар олон тооны хөлөг онгоц болон сөнөөгч онгоцнууд угтаж байв. Ийнхүү тэнгисийн тулалдаан эхэлж Их Британы эзэн хааны усан флот Аргентины хөлөг онгоцнуудыг ядах юмгүй сүйрүүлсэн бол ЗХУ-ын онгоцоор зэвсэглэсэн Аргентины агаарын нисэх хүчин чамгүй бэрхшээл учруулж байлаа.
Иймд 5-р сарын 14-ны өдөр шөнө дунд Их Британы арми SAS-ын тусгай цэргүүдийг арал дээр нисдэг тэрэг болон усан завиар зөөн аваачиж тэд хорлон сүйтгэх ажиллагаа явуулж Аргентины нэлээдгүй тооны байлдааны сөнөөгч онгоцуудыг дэлбэлсэн байдаг. Ийнхүү бүх боломж бүрдсэн тул 5-р сарын 21-ны өдөр Их Британы 4000 цэрэг Фалкланд арал дээр газардан Аргентины явган цэргүүдтэй тулалдаж байсан ч цаг агаарын нөхцөл байдал муу байсан тул тийм ч их амжилт гаргасангүй. Асуудлыг шийдхийн тулд SAS-ын тусгай цэргүүдийг стратегийн байршилууд уруу дайруулан дайсны цэргүүдийг олон зуугаар нь хөнөөлгөж ашигтай байршлуудыг эзэлж тэнгисийн цэргүүдээ аюулгүй шилжүүлж байв. Дайн иймэрхүү маягаар өрнөсөөр 1982 оны 6-р сарын 14-ны өдөр гэхэд Аргентины удирдагч энхийн хэлэлцээрт гарын үсэг зурсан байдаг.
Учир нь Аргентинд цаашид тулалдах ямар ч боломж байхгүй болсон бөгөөд хохирлын хэмжээ харьцуулашгүй их байлаа. Уг дайнд 255 Англи цэрэг амиа алдаж 775 цэрэг шархдсан бол Аргентины талаас 11,400 цэрэг олзлогдож, 649 цэрэг амиа алдаж, 1,657 цэрэг шархдсан байна. Уг дайны дараагаар Их Британы SAS2ын цэргүүдийн нэр хүнд дэлхий нийтээр өссөн байдаг. Учир нь SAS хэрэв байгаагүй бол Фалкландын арлыг эзлэхийн тулд 2-3 дахин олон Британы цэрэг амиа өгөх байсан гэх тооцоо байдаг байна.
