Сэрүүлэгтэй цаг үүсэхээс өмнө буюу аж үйлдвэрийн хувьсгалын үед Их Британид үйлдвэрийн ажилчид өглөө бүр 4 цагаас ажилдаа бэлэн байх ёстой байжээ. Гэвч энэ бүхэн тийм ч амаргүй даваа байсан тул цаг үеийн хэрэгцээ шаардлагаа даган амьд сэрүүлэг гэх шинэ мэргэжил гарсан байна. Тэд харилцагчдаа өглөөний 3 цагаас эхлэн урт саваа модоор сэртэл нь цонхыг нь тогшиж нойрыг нь сэрээдэг байсан аж.
Тухайн цаг үед ажилгүй хүмүүс маш их байсан тул сэрүүлэгний мэргэжил тун эрэлттэй болж эхэлжээ. Хүмүүс зөвхөн модон саваагаар сэрээх биш өөр технологи ашиглаж лимб мэт нарийн гуурсаар хатаасан вандуй цонх уруу нь онилон үлээдэг болов. Харин тус ажлыг хийдэг хүмүүс нэг хүн тус бүрээс долоо хоногт маш багахан хэмжээний мөнгө авдаг байсан ч асар олон үйлчлүүлэгчтэй байсан аж. Бүр энэ салбарыг зохион байгуулалтад оруулахын тулд компаниуд байгуулагдан асар их ашиг орлого олон ажиллаж байсан гэх.
Харин сэрүүлэг хөлсөлдөг ихэнх хүмүүс нь хүнд үйлдвэрийн ажилчид болон сүүний үйлдвэрийн ажилчид байжээ. Түүнчлэн 19-р зууны сүүл үе гэхэд залуу үеийнхэн уг ажлыг хийхээс ичиж ихэвчлэн тэтгэврийн насны хөгшин хүмүүс хийх болсон байна. Аж үйлдвэрийн хувьсгалын үед хөдөлмөрийн гэрээ маш хатуу, тодруулбал ихэнх үйлдвэрүүд ажлаасаа ганц л удаа хоцрох юм бол ямар ч цалин өгөлгүй шууд л хөөдөг байсан юм. Хамгийн хачирхалтай нь 1970 он хүртэл Их Британы зарим газруудаар уг мэргэжил байсаар байсан аж. Учир нь сэрүүлэгтэй цаг авах мөнгөгүй айлууд ихээр байсантай холбоотой аж.
