Энэ бүх аймшигт явдал 1927 оны 5-р сарын 18-ны өдөр АНУ-ын Michigan мужид орших Bath Township тосгоны сургуульд болсон байна. Тухайн өдөр асар хүчтэй дэлбэрэлт болж 38 хүүхэд амиа алдаж 58 хүүхэд шархадсан байдаг. Гэвч энэ бүх аймшигт хэргийн эзэн нь хэний ч санаанд оромгүй нэгэн байсан бөгөөд тус сургуульд ажилладаг хүн болгонтой инээмсэглэн мэндэлдэг агуулахын нярав залуу байжээ.
55 настай Andrew Kehoe гэх нүдэнд дулаахан царайтай эр 1926 онд болсон орон нутгийн сонгуулиар татвар багасгах мөрийн хөтөлбөртэй байсан нэр дэвшигчийг дэмжиж байжээ. Гэвч сонгуулийн үр дүнд түүний дэмжиж байсан хүн гарч чадаагүй тул татварын бодлого хэвээр үлдэж тэрээр тухайн үед маш ихээр уурлаж, сэтгэл гутралд орсон байдаг. Удаа дараа архи ууж, эхнэртээ гар хүрдэг болсон ч эхнэр нь удаан хугацаанд нууж явжээ.
Өнөөдөр сэтгэл судлаачид түүнийг төрөлхийн сэтгэцийн эмгэгтэй байсан гэж үздэг бөгөөд энэ нь даамжирч 1927 оны 5-р сарын 18-ны өдөр татварын бодлогыг өөрчилж чадаагүйгээс болж бухимдан гэм зэмгүй 38 хүүхдийг дэлбэлж алсан байна. Түүнчлэн тухайн сарын 16-18-ны өдрүүдийн хооронд өөрийн эхнэрээ гэртээ алчхаад байшингаа бүрмөсөн шатаасан байдаг. Тухайн үед шинжилгээ тийм ч сайн хөгжөөгүй байсан тул түүнийг эхнэрээ алсан гэж хэн ч сэжиглээгүй аж. Харин ч сургууль дээр нь түүнд туслах үүднээс сайн үйлсийн аян зарлахаар төлөвлөж байсан гэдэг. Гэвч тэрээр сургуулийн доод давхарт 250 кг хэмжээтэй тэсрэх бөмбөг бөөгнүүлэн өөртэйгөө хамт дэлбэлж өшөө хорслоо тайлсан түүхтэй.
