Түүнийг Li Ching-Yun гэх бөгөөд албан ёсоор уг эрийг 1677 онд Хятад улсад төрсөн хэмээн тэмдэглэн үлдээжээ. Гэвч зарим эх сурвалжид түүний төрсөн оныг 1736 гэж бичсэн байдаг. Гэхдээ энэ нэг их хамаагүй учир нь 1677 онд төрсөн бол 256 насалсан, хэрэв 1736 онд төрсөн бол 197 насалсан гэсэн үг. Гагцхүү үнэн гэвэл энэ хоёрын аль нэг нь л үнэн. Гэвч 1930 оны New York Times сонины мэдээнд Li Ching-Yun-ыг дэлхийн хамгийн урт настай эр бөгөөд 1677 онд төрсөн хэмээн сонин дээрээ бичсэн байдаг нь үнэхээр гайхмаар.
Тэрээр амьдралынхаа ихэнх цаг хугацааг ууланд амьдарч өнгөрүүлсэн бөгөөд тэндээ нохойн хошуу, хүн орхоодой, цэцэгт байцаа зэргийг тарин түүнийгээ худалдаалж амь зуудаг байжээ. Улмаар уг эр тулааны урлагаар хичээллэж эхэлсэн бөгөөд нас нь нэмэгдсэн нь огт хөдөлгөөн нь удаашраагүй тул үргэлжлүүлэн хичээллэсээр бараг төгс төгөлдрийн хэмжээнд хүрсэн байна. Ching-Yun нь 1749 онд буюу 72 настайдаа Кай Шиний армид элсэж цэргийн стратегичээр ажиллаж эхэлсэн аж. Мөн 1927 онд буюу уг явдлаас 178 жилийн дараа одоогийн Тайваны захиргааны үндэсний чөлөөлөх армид элссэн баримт байдаг.
Хамгийн гол нь түүний ажиллаж байсан түүхүүд бүгд түүхэн эх сурвалжуудад дурдагдсан байдаг тул хүмүүс маргаж чаддаггүй гэнэ. Мөн түүнийг 256 жилийн турш амьдрахдаа 24 эхнэр авч 180-200 гаруй хүүхэд төрүүлсэн хэмээн үздэг байна. Тэрээр 1933 оны 5-р сарын 6-ны өдөр Хятад улсын Сичуан мужид болсон байгалийн гамшгийн улмаас нас барсан аж. Түүнийг 256 насандаа таалал төгсөхөд 24 дахь эхнэр нь 60 настай байжээ. Түүний хэрхэн 250 гаруй насалсан нууцыг судлуулахаар 1916-1927 оны хооронд төр барьж байсан Вү Пейфү генерал биечлэн ахалж байсан баримт ч байдаг юм.
