Түүнийг Myrtle Corbin гэх бөгөөд 1868 оноос 1928 оны хооронд аж төрж байсан дөрвөн хөлтэй эмэгтэй юм. Түүний хоёр захын хоёр хөл нь яг л энгийн хүний хөл мэт боловч дунд талд нь саажилттай хоёр хөл байдаг байна. Тэр хоёр хөлөө хөдөлгөн, захирах бүрэн боломжтой боловч алхахад хэтэрхий эмзэг хийгээд сульдаатай байжээ. Иймд тэрээр гадуур явахдаа голд байрлах хоёр жижиг хөлөө өргөж захын хөлнүүдээрээ алхан явдаг байлаа.
Tennessee мужид ядуу тарчиг амьдралтай байсан тэрээр санамсаргүй байдлаар ноён Барнумтай уулзсанаар түүний амьдрал үндсээрээ өөрчлөгдөж хүн болгоны хайрыг татсан нэгэн болж хувирчээ. Түүний хувьд ямар нэгэн бүжиг, жүжиглэлт зэрэг чадварууд сурах хэрэг байсангүй. Түүгээр барахгүй сурах ямар ч авьяас байгаагүй юм. Учир нь хэрхэн амьдрах бэ? Гэдэг асуултын хариултыг өөрөө өгөгдөл болгон бурхнаас нэгэнт заяан төрсөн байжээ. Чухам үүнийг нь ойлгуулж мэдрүүлсэн хүн нь Барнум гэж хэлэхэд нэг их буруудаад байх зүйл байхгүй л болов уу.
Тэрээр амьдралынхаа хугацаанд нэг хүү нэг охин төрүүлсэн бөгөөд тэд цөм эрүүл төрсөнд бүсгүй маш ихээр баярлаж байлаа. Удалгүй дахин нэг хүүхэд гаргахаар төлөвлөж байсан ч төрөлт бүтэлгүйтэж хүүхэд дотроо бүтэж үхсэн байдаг. Үүнээс хойш хэсэг нам гүм амьдарч байгаад 1915 онд дахин нэг удаа хүүхэд төрүүлэх гэсэн боловч мөн л төрөхийн хүндрэлээр хүүхэд нь амьдарч чадсангүй. Эмчид очиж үзүүлэхэд түүнийг дахиж жирэмсэн болох боломжгүй учир нь түүний саажилттай хоёр хөл бүх асуудлын эзэд хэмээн хэлжээ. Гэвч бүсгүй хэдийнээ хоёр хүүхэдтэй байсан нь түүний сэтгэлийг амрааж байлаа. Чухам энэ цагаас эхлэн тэрээр хүүхдүүдээ боловсролтой хүн болгохын тулд эцсээ хүртэл үзүүлбэр үзүүлэн асар их мөнгө хураагаад 1928 онд 59 насандаа хүүхдүүдийнхээ гар дээр нас барсан байна. Түүний хүүхдүүд ээжийнхээ бүхий л амьдралынхаа турш хүмүүсийг хөгжөөн байж олсон мөнгөөр нь сургуульд сурч өндөр боловсролтой хүмүүс болсон гэдэг.
