1893 оны 4-р сарын 6-ны өдөр АНУ-д болсон Жак Бурке болон Анди Бовен нарийн тулааныг түүхэн дахь хамгийн удаан үргэлжилсэн боксын тулаан хэмээн бүртгэсэн байна. Нэрт тулаанч Жак Бурке өмнө нь өрсөлдөгчдөө цаг нь дууссан тул оноогоор даруулан гутамшигтайгаар ялагдсан байжээ. Харин энэ удаа өөрийн хариуг авахаар үзэлцсэн бөгөөд тэд хэн нэг нь ухаан алдаж унатлаа тулалдана хэмээн хатуу тохиролцоо хийжээ. Энэ тулааныг үзэхээр АНУ-ын өнцөг булан бүрээс хүмүүс ирсэн бөгөөд 19-р зууны хамгийн сүүлчийн том тулаан болно гэдэгт бүгд итгэлтэй байв.
Үнэхээр ч таамаглаж байсан хүмүүсийн таамгаас зөрөөгүй юм. Тэдний тулаан үдээс хойш 16:00 цагт эхэлсэн бөгөөд тулаан эхлээд 2 цаг өнгөрсөн байхад хэн нь ч ухаан алдаагүй байсаар байв. Хамгийн аймшигтай нь бүх хэнд нь ч нэгнийгээ ухаан балартал цохих хүч байхгүй болсон байлаа. Тус тулааны нэг раунд нь 3 минутаар тооцогдсон бөгөөд нийт 110 үе тоглож 7 цаг 19 минутын турш үргэлжилсэн юм. Гэвч энэ бүх утга учиргүй зүйлсийг үзэгчид удаан хүлээж тэсэлгүй тоглолт дуусах мөчид заал эзгүйрсэн байлаа. Тэнд зөвхөн хоёр тамирчны өс хонзон л өрсөлдөж байв.
Эцэст нь дэвжээний шүүгч 110 дахь үе дууссаны дараагаар тэмцээнийг хүчээр дуусгаж хоёуланг нь тэнцүүлсэн байна. Уг тоглолтын улмаас Анди Бовен тархиндаа тун хүнд гэмтэл авсан ч түүнийгээ нэг их тоолгүй дахин өөр тулаанууд хийсээр эцэстээ тархины үйл ажиллагаа нь доголдон 1894 оны 12-р сарын 15-ны өдөр нас барсан байдаг. Тэрээр дөнгөж 27 настай байсан юм.
