Энэхүү хачирхалтай үйл явдал 1798 оны 9-р сарын 1-ны өдөр АНУ-ын Филаделфиа мужид болжээ. Төмрийн дархан хийдэг 19 настай хүүгийн биеийн байдал сүүлийн жилүүдэд огцом муудсан тул тэрээр орон нутгийн эмнэлэгт үзүүлжээ. Гэвч эмч Патрик Лёон гэх уг хүүг цэцэг өвчин нь хүндэрсэн байна хэмээгээд ихдээ 1 жилийн нас байна гэсэн байна. Уг мэдээг сонсоод төмрийн дархан хүү өөрийн ажлаа ч хийхээ болин амьдрал нь утгагүй мэт санагдан архинд орсон аж. Нэгэн өдөр хадаасны хулгайгаараа зартай түүний нэгэн найз амьдрах хугацаа бага байгаа юм чинь эрсдэлтэй томоохон зүйл хийгээд үзэхийг санал болгожээ. Чухам тэрээр юу хийхээ асуухад банк дээрэмд хэмээн зөвлөсөн байна.
Урьд хожид АНУ-д хэн ч банк дээрэмдэж байсангүй. Тиймдээ ч тухайн үеийн банкнууд хамгаалалт тун муутай байсан бөгөөд удаан хугацааны турш төлөвлөгөө боловсруулсны эцэст Филаделфиагийн том банкийг дээрэмдэхээр боожээ. Ийнхүү ажиллагаа 1798 оны 9-р сарын 1-ны өдөр өглөө эрт болсон бөгөөд мань эр тухайн үеийн 162,821 америк доллар дээрэмдэн газрын гаваар орсон байна. Цагдаа, хууль сахиулагчид АНУ-ын нутаг дэвсгэрээр түүнийг хайсан ч хаанаас ч сургийг нь гаргаж чадсангүй. Иймд банкны удирдлагууд болон цагдаагийн албан хаагчид цөм шантарч эхэлжээ.
Гэвч уг явдлаас 4 сарын дараа буюу 1799 оны 1-р сарын нэгэн өдөр Патрик Лёон гэх банкны дээрэмчин этгээдийг цагдаа нар олж баривчилжээ. Цагдаагийн албан хаагчид түүнийг өөрсдийн ур чадвараар барьсан бус уг залуу өөрийнхөө тэнэгээс болж баригдсан байдаг. Тэрээр өөрийн бүх мөнгийг яр 4 сарын өмнө дээрэмдсэн Филаделфиагийн төв банканд хадгалуулсан бөгөөд банкны удирдлагууд орлогийн эх үүсвэргүй хүнийг ийм их мөнгөтэй байгааг сэжиглэн цагдаад хандсанаар бүх хэрэг ил тод болсон юм. Түүнд 15 жилийн хорин ял оноосон боловч 10 сарын дараа нас барсан аж.
