Хүмүүсийн сонирхол олон янз байдаг. Бүр зарим хүмүүс хэний ч санаанд оромгүй зүйлсд итгэж түүнийгээ батлахын тулд олон эрсдэлтэй алхам хийж бүр амь насаа ч алдаж байсан тохиолдлууд түүхэнд нэлээдгүй бий. Тэгвэл Энэтхэгийн Нэйлим Кумар Кайр гэх 28 настай эр могой гэдэг амьтан хүнд ямар ч гэм хор хийхийг хүсдэггүй бөгөөд хүн зөвхөн хүчирхийлэл бүхий хариу үйлдэл үзүүлсэн цагт л хүнийг хатгаж гэмтээдэг гэдэгт итгэдэг байлаа. Тэрээр энэ онолоо батлахын тулд өөрийн амь насаараа дэнчин тавихад ч бэлэн нэгэн байсан аж.
Энэ ч утгаараа мань эр 1986 оны 7-р сарын 11-ны өдөр уг онолоо батлахаар шийдсэн байна. Тэрээр дэлхий дээрх хамгийн хортой гэх 6 төрлийн нийт 72 могойтой хамт нэг торонд өөрийгөө 72 цагийн турш цоожилсон байна. Бүр уг эр хоол хүнс ч идээгүй бөгөөд зөвхөн бага зэрэг ус ууж огцом хөдөлгөөн хийлгүй маш багаар аажуухан хөдөлж байжээ. Тэрээр огцом хөдөлгөөн нь өөрөө заналхийлэлийг дагуулдаг, хүн ч гэсэн нэгнийхээ эсрэг огцом зангахад нөгөө хүн нь цочиж бие ээ хамгаалах дадал үзүүлдэг хэмээн тайлбарласан юм.
Гайхалтай нь тэрээр өөрийн итгэл үнэмшил, онолоо баталж чадсан юм. 72 цагийн хугацаа өнгөрхөд ганц ч хатгуулалгүй уг торон өрөөнөөс гарч ирж чадсан аж. Гэвч түүний туршилтыг албан ёсоор амьтан судлалын шинжлэх ухаанд могой заналхийлэхгүй л бол хүн уруу дайрлаг амьтан хэмээн бүртгээгүй юм. Учир нь түүний онол зөвхөн нэг удаагийн туршилтаар батлагдахад хэтэрхий эрсдэлтэй зүйл байлаа. Харин тэрээр хамгийн олон хортой могойтой хамт хамгийн удаан байсан хүнээр шалгарч дэлхийн дээд амжилт тогтоосон юм.
