Хүн төрөлхтөн бид сансар огторгуйг эрхшээх хязгааргүй хүсэл тэмүүлэлтэй оюун ухаант төрөл билээ. Бидний шинжлэх ухааны хөгжил сансрын уудамтай нүүр тулаад ердөө ганц жарны хугацааг л элээж буй нь үнэн. Энэ бол дэндүү хангалтгүй хугацаа бөгөөд бид өөрсдийн нарны аймгийн хамгийн ойрын гариг дээрээ ч хараахан хөл тавьж үзээгүй л явна. Гэвч хүн төрөлхтөн бид өөр амьдрах боломжтой эсвэл өөр оюун ухаант соёл иргэншлийг хаа нэгтээ оршин байгаа гэдэгт бат итгэн тэднийг хайсаар байна. Бид харь гаригийнханы тухай зөгнөлт ном, кино бүтээж өөр өөрсдийнхөөрөө төсөөлдөг ч сансар судлалын шинжлэх ухааны түүхэнд маш тодоор тэмдэглэгдсэн нэгэн баримттай үйл явдал өнгөрсөн зуунд болж өнгөрсөн байдаг.
1977 оны 8-р сарын 15-ны өдөр АНУ-ын Охио мужийн сансар судлалын станцад өөр оюун ухаант соёл иргэншил, ямар нэгэн мэдээ дамжуулах хүчин чадал бүхий амьд эсвэл механик биетээс 72 секунтын турш үргэлжилсэн радио дохио хүлээн авсан байдаг. Эрдэмтэд тухайн үед уг долгионыг маш анхааралтай судалсан боловч чухам хаанаас ирснийг нь тогтоож чадаагүй байна. Түүнчлэн уг дохиог хүн төрөлхтний бичиг, тооны хэлбэрт хөрвүүлэн орчуулахад ердөө тоо, үсгийн цифрийн цуглуулга үүсчээ. Гэвч хэн ч учрыг нь тайлж чадаагүй юм.
Уг нууц код нь яг юуг өгүүлж бас ямар газраас хэнээс ирсэн нь АНУ-ын сансар судлалын эрдэмтдийн мэдэхийг хүсдэг хамгийн томоохон нууцуудын нэг өнөөг хүртэл хэвээр байсаар байна. Мөн зөвхөн уг кодыг тайлахын тулд АНУ-ын засгийн газраас 2 тэрбум долларын санхүүжилт гарган шинэ энигма код тайлагч зохион бүтээсэн боловч амжилт олж чадаагүй юм. Иймд энэ бүхэн нууц хэвээр үлдсэн бөгөөд хэзээ нэгэн цагт бид тайлж чадах нь гарцаагүй бизээ. Эсвэл нууцыг нь тайлахаас өмнө тэд өөрсдөө биднийг зорин ирж ч болох…
