Түүнийг Петер Лемон гэх бөгөөд 1950 онд Канад улсад төрсөн ч хүүхэд байхахд нь гэр бүл нь АНУ уруу цагаачлан тэнд иргэншил авсан юм. Тэрээр нас биед хүрсэн даруйдаа цэргийн хүн болохоор шийдэж армид элсэн улмаар Вьетнамд тулалдан эр зоригийн одон авч байлаа. Уг дайны явцад ердөө цор ганц Канад гаралтай цэрэг уг медалийг авсан нь Петер Лемон юм. Түүнийг дайны турш ихэвчлэн дайсны ард хорлон сүйтгэх ажиллагаа хийлгэхээр илгээдэг байсан бөгөөд тэрээр тун амжилттай ажиллаж үүрэг даалгавар бүхнийг биелүүлж ганц ч удаа олзлогдох эсвэл шархдаж байгаагүй аж.
Мөн нэгэн удаа хорлон сүйтгэх ажиллагаа хийхээр социалист Вьетнамын зэвсгийн агуулахын ойролцоо газардан тулалдаж байх үед хоригдож байсан 100 гаруй АНУ-ын цэргүүдийг санамсаргүй байдлаар олон бүгдэд нь уг агуулахаас зэвсэг өгч үлдсэн бүх зэвсгийг нь дэлбэлээд 35 км ширэнгэн ойг хоёр хөлөөрөө туулан зугтсан юм. Энэ бүхнийг нь бодоод үзэхэд уг шагналыг авахаас ч өөр араггүй нэгэн байлаа. Гэвч хамгийн сонирхолтой нь Вьетнам улс чийглэг цаг агаартай тул олсны ургамал буюу марихуан их хэмжээгээр ургадаг тул тэрээр ажиллагаа бүхэндээ уг ургамлыг хэрэглэн тулалддаг байжээ.
Хожим тэрээр дурсан ярихдаа үүнийг хэрэглэснээр илүү тайвширдаг тул нөхцөл байдалд тулгуурлан зөв шийдвэр гаргаж чаддаг байсан тухайгаа хэлсэн байдаг. Түүний уг үйлдлийг тухайн үеийн удирдлагууд нь мэддэг байсан ч ямар ч арга хэмжээ аваагүй юм. Учир нь дайны цаг үе байсан бөгөөд энэ нь харин ч хөнгөн хэлбэрийн байгалийн гаралтай мансууруулагчид ордог байлаа. Гэтэл АНУ-ын засгийн газраас уг дайнд зориулан шинэ хэлбэрийн “кристал мет” гэх сэтгэцэд нөлөөлөх бэлдмэл гаргасан бөгөөд хүнд шархадсан эсвэл олон хоног нойргүй тулалдсан цэргүүддээ үүнийг хэрэглэхийг зөвлөдөг байлаа. Үүнийг хэрэглэснээр цэргүүд илүү сэтгэл зүйн бэлтгэлтэй болж ядрах, өлсөх зэрэг мэдрэмжүүдийг мартдаг байсан гэх.
