Хаг Томпсон нь 1943 оны 4-р сарын 15-ны өдөр АНУ-д төрсөн бөгөөд АНУ-ын армийн ахмад 123-р нисэх хүчний ангийн гишүүн, түүнчлэн явган цэргийн 23-р ангид офицерын алба тус тус хашиж байлаа. 1968 оны 3-р сарын 16-ны өдөр болсон Май Лайгийн хядлагад тэрээр голлох үүрэг гүйцэтгэн ажиллаж байсан юм. Тэрээр АНУ-ын Техас болон Алабама мужуудад нисэхийн сургалтад сууж нисгэгч болж улмаар 1966 онд АНУ-ын армид элссэн байна. Үүнээс 1 жилийн дараа буюу 1967 онд түүнийг Вьетнам уруу хуваарилан тэнд чухам эр цэргийн гараагаа эхэлж дайны баатар болсон байдаг.
1968 оны 3-р сарын 16-ны өдөр Томпсон өөрийн нөхдийн хамт социалист Вьетнамын эзлэгдсэн тосгонуудаар тагнуулын ажиллагаа явуулах үүрэг авлаа. Тэдний нисдэг тэрэг өндрөөс тосгодыг хархад том малгайтай зэвсэггүй тариачин хүмүүс энд тэндгүй байгаа харагдав. Удалгүй тэд газардах үед харсан зүйлдээ ч итгэсэнгүй. Тэдний хараад байсан бүхэн зүгээр л амьгүй цогцоснууд байсан нь харамсалтай. Тэнд дөнгөж төрсөн нярай хүүхдүүдээс эхлэн хөгшин хүмүүс хүртэл хүйс ялгалгүйгээр хүйс тэмтрүүлсэн байв. Хамгийн аймшигтай нь тэд ямар ч зэвсэггүй энгийн иргэд байсан юм.
Тэд уг аймшигт хядлагыг харсан даруйдаа дараачийн тосгон уруу нисэж байтал олон тооны энгийн иргэд бүхий л чадлаараа зугтаж байгааг тэнгэрээс харав. Гэтэл тэдний ардаас социалист Вьетнамын цэргүүд хөөж ардаас нь буудан зарим нэгийг нь хөнөөсөөр урагшилж байв. Хаг Томпсон багийн гишүүдтэйгээ тохиролцож эдгээр иргэдийг аврахын тулд зугтаж буй иргэдийн ард нисдэг тэрэгтэйгээ газардан тэднийг социалист Вьетнамын армийн цэргүүдээс галаар халхлан өөрсдөө амьд бамбай болон тулалдсан байдаг. Уг аврах ажиллагааны үр дүнд тэдний багаас 4 цэрэг амиа алдсан бөгөөд Хаг Томпсон амьд үлдэж армиас сайн дураараа гарсан байна. Гэвч энэ бүх хүчирхийлэл, аллага түүнийг тайван суулгаж чадалгүй архинд гүн донтох эмгэгтэй болох нь тэр. Өөрийгөө энгийн амьдралаар амьдрахад бэлэн бус байгаагаа ойлгосон эр удалгүй дахин армид элсэж 1983 он хүртэл Вьетнамд байлдааны ажиллагаанд оролцож дайны дараа АНУ-ын иргэний нисэхийн компанид ажилд орж энгийн амьдралаар амьдарсан түүхтэй.
