2018 оны 10-р сарын сүүлээр болсон Кристигийн дуудлага худалдаагаар хиймэл оюун ухааны зурсан зараг бараг хагас сая доллараар зарагдсан байна. “Эдмон Де Белами”-гийн хөрөг гэх энэхүү зураг нь 432,500 доллар буюу анхны үнээсээ 43,5 дахин өсөн зарагдсан байна. Энэ бол анхны хиймэл оюун ухааны зурсан зураг том дуудлага худалдаагаар зарагдсан явдал байлаа. Зургийн эзэн нь утсаар дуудлага худалдаан оролцоод үүнийг хожиж авсан юм байна. Хиймэл Оюун Ухааны зурсан зураг нь агуу Пикассогийн хуулбар зурагтай ижил үнээр зарагдсан юм.
Энэхүү зураг нь 18-19-р зууны уран зургийн зурах арга барилтай төстэй ба хар костьюмтай эрэгтэй хүнийг дүрслэн зурсан. Нүүрийг ойртон харвал бүрсгэр ба будаж дуусаагүй юм шиг харагдана. Зурагны баруун доод буланд зураачын гарын үсэг биш математикийн томьёо бичигдэнэ. Adweek “19 настай программист Робби Баррат хэмээх эрхмийн зохион бүтээсэн Францын уран зураачдын арга барилыг суурилуулсан Obvious нэртэй хиймэл оюун ухааны бүтээсэн зураг” хэмээн мэдээллэсэн. “14-20-р зууны 15 мянган уран зургаар Generative Adversarial Network гэх нэртэй гол тархиа дүүргэсэн юм”
Зурах үйл явц нь бол юу харсан дээрээ үндэслэн жинхэнэ болон алгоритмоор зурсан зургийн хоорондох ялгааг багасгахаар программчилсан байна. Борлуулалтын дараа Obvious-ийн багийнхан мэдэгдэлдээ “Бид хиймэл оюун ухаанд талархаж байна. Баг хамт олондоо ялангуяа GAN алгоритмийг зохион бүтээгч, Беламийн гэр бүл гэсэн нэрийг өгсөн Иан Гүүдфеллов мөн Робби Баррат нарт талархаж байна.” Багийн гишүүн Пирре Фаутрел ABC-д өгсөн ярилцлагандаа “ Бид алгоритмийн хүчийг хараад үнэхээр догдолж биширлээ. Хэрвээ чи үүн шиг урлагийг бий болговол энэ урлаг мөн үү? Гэсэн талаар хэлэлцэж байгаа.” Зургийн гол утга санаа нь Эдмонд Белами бөгөөд зохиомол Беламийн гэр бүлийн 11 гишүүний нэг нь юм. Эдгээр бүгд нь эртний Европийн аж ахуйг харуулсан зургууд байна.
