Өнгөрсөн оны 10-р сарын үед сигар буюу навчин тамхины хэлбэртэй чулуулаг хатуу биет манай нарны аймаг дундуур аялж байсныг одон орон судлаачид олж тогтоосон байдаг. Уг биетийг хамгийн анх Хавай аралд байрлуулсан одон орон судлалын төв илрүүлсэн тул Хавай арлын нутгийн хэл буюу Оумуамуа хэмээн нэрлэсэн байна. Харин ердөө хэдхэн хоногийн өмнө уг биет манай нарын аймгаас явсан бөгөөд гарч явахдаа хүн төрөлхтний төсөөлж байснаас хамаагүй хурдтайгаар аялсан юм. Энэ нь эрдэмтдийг хоёр талд талцуулан одон орны шинжлэх ухааны түүхэнд томоохон маргаан дэгдээгээд байна. Тухайлбал Харвардын их сургуулийн судлаачдын баг уг биетийг өөр соёл иргэншлээс илгээсэн туршуулын хөлөг хэмээн баттай итгэж байгаа аж. Тэд манай дэлхийн бараг л үүдэнд ирээд бүтэн жил судалгаа, тагнуулын ажил хийж байгаад явсан байж болох талтай.
Учир нь уг нисдэг биет манай нарны аймгаас гарахдаа гэрлийн цацраг хэмээх арга ашигласан бөгөөд энэ нь нарны эрчим хүчээр цацраг үүсгэн асар их хурдыг үүсгэх нэгэн төрлийн арга юм. Үүнийг Харвардын их сургуулийн астрофизикч Шмуэл Бэйли гэх эр батлан хэлсэн байна. Гэвч хамгийн хачирхалтай нь уг аргийг ашиглахын тулд уг биет маш нимгэн байх ёстой боловч Оумуамуа маш зузаан, хатуу гадаргуутай байсан тул ийм үзэгдэл болох боломжгүй байв. Гэвч энэ бүхэн болсон эь маргаангүй тул энэ нь байгалийн хуулийг зөрчсөн явдал болж байгаа юм. Иймд зөвхөн шинжлэх ухаан, оюун ухаант бодгаль л үүнийг хийх чадвартай гэж хэлж болно.
Энэхүү дүгнэлт нь дэлхий нийтийн одон орон судлалын түүхэнд хамгийн анх удаа өргөн хэмжээний маргаан, хэлэлцүүлгийг өрнүүлэхэд хүргэсэн байна. Зарим эрдэмтэд Харвардын эрдэмтдийн таамгийг эрс няцааж харь гаригийнхан гэж байхгүй бөгөөд энэ нь хангалттай нотолгоо болж чадахгүй хэмээн эсэргүүцэж байгаа юм. Харин Оумуамуа гэдэг нь Хавай арлын уугуул хэлээр бол “мэдээ дамжуулагч тэнгэрийн элч” хэмээх утгатай үг гэнэ. Уг биетийн урт нь 400 метр бол өргөн нь 40 орчим метртэй байжээ. Ямартай ч нэрт астрофизикч асан Стивен Хокинг хэлэхдээ “харь гаригийнхан, өөр соёл иргэншил гарцаагүй оршин байдаг. Хэрэв тэд биднийг олох юм бол биднээс хамаагүй өндөр шинжлэх ухааны төвшинд хүрсэн гэсэн үг. Тэд биднийг олбол байгалийн хуулийн дагуу колоничилно, яг л Европчууд Индианчуудыг хэрхэн эзлэн түрэмгийлж нутгийг нь эзэлсэн шиг. Тиймээс бид харь гаригийнхан биднийг битгий олоосой хэмээн найдаж суухаас өөр сонголт үгүй. Энэ бол байгалийн хууль” хэмээн хэлсэн байдаг.
