2018 оны 11-р сарын 9-ны өдөр Ирландын бүгд найрамдах улсын нислэгийн удирдах газарт нэгэн хачирхалтай мэдээлэл ирсэн байна. Канадаас Лондоны чиглэлд нисэж байсан Бритиш эйрвэйс компанийн нисгэгч Ирландын баруун эргийн Шэннон хотын нисэхийн удирдлагын газартай холбогдо тэдний нисэж буй газар орчимд цэргийн сургуулилт болж байгаа эсэхийг асуусан аж.
Учир нь асар өндөр хурдтай нисэж буй биетүүдтэй тус нисгэгч таарсан тухайгаа хэлжээ. Хяналтын төвийн ажилчид ямар ч цэргийн сургуулилт болоогүй тухай хэлсэн бөгөөд радарт тэдний онгоцноос өөр юу ч илрээгүй тухай ч хэлсэн байна.
Нисгэгч эр тэдэнд илүү дэлгэрэнгүй мэдээлэл өгсөн бөгөөд нисгэгч хүний хувьд баримжаалахад дууны хурднаас хоёр дахин илүү хурдтайгаар маш хурц, тод гэрэл гялбуулсан нисэх биетүүд олноороо ойр орчимд нь нисэж бүр нэг нь онгоцных нь зүүн талд ойртон хэсэг явж байгаад хойд зүг уруу одсон тухай мэдэгдсэн байна.
Эдгээр зүйлс нүд гялбуулан хэтэрхий хурдтай нисэж байсан ч өөрсдийн чиглэлийг бүрэн хянаж байсан тул огт мөргөлдөх аюулгүй байсан тухайгаа ч хэлжээ. Хамгийн сонирхолтой нь яг тухайн үед Ирландын баруун эргээр нисэж байсан Виржиниа эйрлэйнс компанийн өөр нэгэн онгоцны нисгэгч манай гаригийн агаар мандалд гаднаас маш хурц өнгөтэй солир мэт биетүүд олноороо орж ирсэн тухай мэдэгдсэн байна.
Яг одоогийн байдлаар Ирландын нислэгийн удирдах газар хиймэл дагуулын систем ашиглан уг хэргийг анхааралтай шалгаж байгаа юм.
