1938 оны 11-р сарын 30-ны өдөр АНУ-ын Нью Жерси мужийн радиогийнхон зохиолч Герберт Уэллс-ийн “дэлхийн дайн” хэмээн зохиолыг сурвалжлага хэлбэрт оруулан үйл явдлыг яг газар дээрээс нь бодитоор сурвалжилж буй мэтээр радиогоор уншиж эхэлжээ. Мэргэжлийн жүжигчид дуу хоолойг нь дуурайлган туйлын үнэмшилтэй жүжиглэн харь гаригийнхан яг одоо АНУ-уруу дайрч байгаа тухай тэд ярьсан байдаг. Бүх зүйл хэтэрхий сайтар төлөвлөгдсөн байсан бөгөөд тухайн үед тус радиог нийт 6 сая хүн сонсож байснаас 1 сая хүн нь энэ бүхнийг бодитоор болж байна хэмээн итгэсэн байна.
Ийнхүү дэлхий харь гаригийн дайралтад өртөж байна хэмээн итгэсэн тул хэдэн мянган хүмүүс гэр орноо орхин дайжиж хот даяар эмх замбараагүй байдал үүсч айж сандаралдсан хүмүүс гудамжаар тэнүүчлэн дээрэм тонуул гарах болов. Олон мянган хүмүүс харь гаригийнханы дайралтын тухай гэр бүл, хамаатан садандаа дуулгахаар зогсоо зайгүй залгаж байсан тул телефон утасны шугамын ачаалал дээд цэгтээ хүрч доголдол үүссэн аж. Энэ бүхний дараа АНУ-ын ерөнхийлөгч асан Рузвелт ард түмэндээ хандан тайван байх тухай мэдэгдэл хийсэн нь гал дээр тос нэмсэн хэрэг болов. Ерөнхийлөгчдөө итгэх биш харин ч түүний мэдэгдэл нь энэ бүхнийг улам бодитой болгож өгөв. Харин ард иргэдэд ямар ч харь гаригийнханы дайралт болоогүй гэдгийг итгүүлэхийн тулд нийт зургаан долоо хоногийн хугацаа зарцуулсан байдаг.
