1973 оны 12-р сарын 23-ны өдөр сансрын уудамд байрлах АНУ-ын Skylab сансрын станц уруу гурван нисгэгчийг хөөргөсөн байдаг. Тэд 83 өдрийн турш сансарт засварын ажил хийх даалгавартай байсан бөгөөд энэ даалгавар нь тэдэнд хүн төрөлхтний түүхэнд хамгийн удаан сансарт байсан хүмүүс гэх цолыг олгох байв. Тэдний гол даалгавар бол задгай сансарт гарч станцын эвдэрсэн хэсгүүдийг засах явдал байлаа. Тэд цөм нислэгийн өмнө өөрсдийг нь хэчнээн хүнд даалгавар угтаж байгааг сайтар ойлгож байсан юм.
Сансарт удаан хугацаанд байхад хүний бие болоод сэтгэлзүйд өөрчлөлт орох магадлал өндөр байдаг тул олон улсын сансар судлалын байгууллагууд бүхий л сансрын нисэгчдээс олон удаагийн бие мах-бодь болон сэтгэл зүйн сорилтуудыг авдаг байна. Skylab-ыг зорих уг гурван сансрын нисэгчид ч уг сорилтыг өгөөгүй биш өгсөн юм.
Ийнхүү 1973 оны 12-р сарын 23-ны өдөр сансарт ниссэн нисэгчдийг очсон даруйд амралтгүйгээр сансрын лабораторийг засаж эхлүүлсэн бөгөөд 5 өдрийн турш дундаа нэг ч амралтгүй задгай сансарт өдөр бүр 16 цагийн турш засварын ажил хийсний эцэст тэдний тэсвэр алдарч эхэлсэн байна. Гэтэл 12-р сарын 28-ны өдөр АНУ-ын Наса төв Skylab-аас холбоо бүрмөсөн тасрах нь тэр. Чухам нисгэгчдэд юу тохиолдсон, тэднийг юу хийж байгаа зэрэг ямар ч мэдээлэл авах боломжгүй болсон Наса хүндхэн байдалд оржээ. Гэвч маргааш өглөө нь Skylab харилцаа холбоогоо сэргээн Наса-тай холбогдсон байдаг. Чухам харилцаа яагаад унтарсныг асуухад тэд хэт их ажилласнаасаа болж ядарсан тул өөрсөндөө амралтын өдөр гаргасан хэмээн тайлбарласан юм. Тэд бүхий л өдрийн турш хоол идэж, кино үзэнгээ дэлхийн гарагийг ширтэж, задгай сансарт хөвж тоглосон байлаа.
Энэ бүхний хариуд НАСА хэлэх үггүй болсон бөгөөд тэдний даалгаврыг цааш 14 хоног үргэлжлүүлээд хугацаанаас нь өмнө дэлхий уруу буцаасан байдаг. Харин уг явдлаас хойш НАСА сансарт ажиллаж байгаа сансрын нисгэгчдэд зориулсан ажиллах цагийн хуваарь тусгайлан гаргаж эхэлсэн түүхтэй.
