Орчин цаг үед бид боолчлол бол хамгийн буруу зүйл, хүний эрхэнд халдсан хэрэг хэмээдэг. Харин хүн төрөлхтөнд боолчлол гэгч нь ямар аймшигтай, буруу зүйл болохыг ойлгуулсан хүн бол Олаудах Эквано юм. Тэрээр 11 настайдаа төрсөн эгчийнхээ хамтаар Баруун Африк дахь гэрээсээ хулгайлагдаж, огт мэдэхгүй шинэ ерөниц болох Их Британид нэгэн айлд боол болон очсон байдаг. Тун удалгүй Олаудахын эгчийг эзэн нь өөр айлд зарснаар тэдний хувь заяа салсан юм.
Удалгүйт Олаудах ч мөн зарагдаж нэг газраас нөгөөд гэх мэтээр маш олон газраар очиж, боолчлогдож явсан бөгөөд эцэст нь АНУ-ын Виржиниа мужид ирээд нэгэн офицерт зарагдаж, түүний хамт 8 жил далайгаар аялж явжээ.
Энэ хугацаанд тэрээр уншиж бичиж сурсан бөгөөд Густава Васса гэх нэртэй болсон байна. Харин дараа нь түүнийг нэгэн худалдаачин авч, төрөл бүрийн ажил хийлгэдэг байсан аж. Гэвч боол залуу амьдралынхаа төлөө шаргуу зүтгэсээр байсан төдийгүй шинэ эзэндээ ч өндрөөр үнэлэгдэн 3 жилийн дотор гэхэд өөрийгөө чөлөөлөх хэмжээний мөнгийг хуримтлуулан эзэндээ төлөн төлж, эрх чөлөөтэй болсон юм.
Үүнээс хойш 20 жилийн турш тэрээр дэлхийг тойрон аялж, Европт болсон цаазаар авах ялыг халах хөдөлгөөнд оролцон явжээ. Харин 1798 онд өөрийн намтар түүхээр “The Interesting Narrative of the Life of Olaudah Equiano or Gustavus Vassa” хэмээх номоо гаргаж, шуугиан тарьсан билээ. Түүний энэхүү ном нь мянга мянган хүнд боолчлолын тухай ойлголтыг төрүүлж, боолчлолын хуулинд хүртэл өөрчлөлт оруулж байжээ. Мөн 1807 онд Олаудахийг нас барснаас 10 жилийн дараа Англи улс боолчлох ёс, боолын наймааг халж, хуулиндаа тусгасан байдаг. Мөн тэрээр өөрийн эгчийг эрх чөлөөтэй болсон үеэсээ эхлэн хайсан боловч сураг нь бүрмөсөн тасарсан байлаа.
