1945 оныг хүртэл Солонгос улс Японы эрхшээлд байсныг мэдэхгүй хүн үгүй. Харин Япончуудыг дайнд ялсны дараа Солонгосыг чөлөөлөхөөр өмнөд хэсэгт нь АНУ-ын цэргийн хүчнийхэн ирсэн бол хойд талаас нь ЗХУ-ын арми орж ирсэн байдаг. Ийнхүү Солонгос улс өөрөө ч мэдэлгүй хүйтэн дайны тэргүүн фронтын з.олиос болох нь тэр. Хойд болон Өмнөдүүд тус тусдаа өөр өөрийн үзэл суртал, санхүүжилттэй байсан боловч эцсийн эцэст нэг улс болон нэгдэх тэргүүний зорилготой байлаа. Гэсэн хэдий ч ЗХУ болон АНУ-ын хүч энэ тэнцүү байсан тул хэн ч дийлж чадалгүй үр дүнд нь Солонгосчууд л ү.хэж байв.
Солонгос яг зүүн болон баруун Герман гэдэг шиг ЗХУ болон АНУ-ын мэдэлд шилжсэн бөгөөд дайн 1950 онд Хойдууд өмнөдөд халдсанаар эхэлсэн байдаг. Дайн 3 жилийн турш үргэлжилсэн бөгөөд Хойд Солонгос нь ЗХУ болон БНХАУ-ын дэмжлэгийг авч байсан бол Өмнөд Солонгос НҮБ-аас дэмжлэг аван баруун Европын 16 улс эвсэл байгуулан цэргээ оруулсан түүхтэй. Тэдний тэргүүн эгнээнд АНУ, Их Британи зогсож байв.
Солонгосын хойгийн дайнд Их Британи нийт 100,000 орчим эрэлхэг хөвгүүдээ илгээсэн байдаг. Тэдний нэг нь Bill Speakman гэх залуухан Шотланд цэрэг бөгөөд тэрээр дэлхийн 2-р дайны үед нацистуудын эсрэг тулалдахаар армид орсон боловч түүнийг цэрэгт татагдсанаас 5 хоногийн дараа дайн дууссан байдаг. Тиймээс түүнийг Хонг Конгд шилжүүлж тэднээ албаа хааж байгаад 1951 онд Солонгос улс уруу байлдааны ажиллагаанд томилогдон явсан түүхтэй. Чухам тэнд л тэр өөрийгөө хичээн зоригтой нэгэн болохыг батлан харуулсан юм.
Тэрээр Их Британы төрийн дээд медаль “Викториагийн загалмай” одонгоор шагнуулах явдал нь 1951 оны 11 сарын 4-ны өдөр болсон байдаг. Тэрээр өөрийн нөхдийн хамт 317-р толгодыг а.миараа хамгаалах тушаалтай байв. Хамгийн аюултай нь 1000 тохой өндөр толгодыг хамгаалахаар 400 цэрэг л тэнд байрлаж байлаа. Гэтэл 6000 хүнтэй Хятадын ардын чөлөөлөх армийн цэргүүд гарч ирэн тэдний эсрэг тулалдсан бөгөөд хэдий ашигтай байрлалд байсан ч цаг хугацаа өнгөрөх бүрд тэдний сум болон нөөц нь дуус ч эхлэв.
Их Британы армийн цэргүүд маш их хохирол амсаж эхэлсэн бөгөөд удахгүй бүрэн ялагдах нь ойлгомжтой болох үед өөрөөсөө гадна 6 цэргийг дагуулан гар бөмбөг шидэн Хятадуудыг тогтоож эхлэв. Харин тэдний гар бөмбөг дуусах үед тэднийг айлгах зорилгоор шар айрагны хоосон шилийг чанга чимээ гаргах зүгт шидсэн байдаг. Дайны явцад Хятал цэргүүд тэдний шидсэн шилийн гар бөмбөг хэмээн бодож ухарч эхэлсэн байна. Гэхдээ энэ нь тийм ч удаан тогтоохгүйг тэрээр мэдэж байлаа Ийнхүү эсэргүүцэн тулалдаж байтал аз болж НҮБ-ын нэмэлт хүч ирснээр Хятадын арми ухарсан юм. Тэнд байсан хүмүүс амьд үлдсэн нь цөм Bill Speakman-ы баатарлаг гавьяа хэмээн бүгд хүлээн зөвшөөрсөн аж.
Эх орон, анд нөхдийнхөө төлөө хоёргүй сэтгэлээр эцсээ хүртэл тулалдсан түүний эр зоригийг үнэлж төрийн дээд “Викториагийн загалмай” одонг Их Британы хатан хаан Элизабет II өөрийн биеэр гардуулан өгсөн байдаг.
