Жүжигчин Ч.Ундрал “ХИТ”-ийн Д.Давааням агсны хүү Д.Даваадоржтой хайр сэтгэлээр холбогдож, бие давхар боллоо гэсэн мэдээ жилийн өмнө чих сортойлгож байв. Одоогоор тэд олны өмнө хамт ил гарч, дурлалт хосууд гэдгээ гэрэл цохиулахыг хүсэхгүй байгаа ч Ч.Ундрал амаржиж, хүүгээ охин дүүтэй болгосон нь хэдийнэ хуучирсан мэдээлэл болжээ.
Тэгвэл хүмүүжил, боловсрол, үзэл бодлоороо үнэлэгддэг Д.Даваадорж өчигдөр тохиосон төрсөн өдрөөрөө гэнэтийн бэлэг барив. Олноос нууцалсан охиныхоо зургийг ил гаргаж, инстаграмд нууцаа дэлгэнэ гэж олон хүн төсөөлөөгүй байж магад. Гэхдээ үнэн. Төрсөн үр, хайрласан бүсгүйгээ түмнээс нуухын хэрэг юу ч билээ.
Өөрийн төрсөн өдрөөр охиноороо гангарч, аав болсноо албан ёсоор зарласан тэрбээр наадмын өдрүүдийг хайрт охины хамтаар өнгөрүүлжээ. Үүнийгээ гэрэл зурагт мөнхлөн үлдээсэн тэрбээр “охиндоо ёстой л нэг базуулах шиг болдог” хэмээжээ.
Олон нийтийн сүлжээнд охиныхоо зургийг итгэл дүүрэн оруулдаг болсон тэрбээр хэзээ хайрт гэргийгээ албан ёсоор ил гаргах бол?
