1953 онд ЗХУ-д ажиллаж байсан Москва дахь АНУ-ын цэргийн атташе, хошууч Мартин Мэнхоф нэгэн хосгүй түүхийн баримтыг буулгаж үлдээснийг саяхан судлаачид олсон юм.
Энэ бол Зөвлөлтийн удирдагч И.В.Сталиний оршуулгын арга хэмжээг Улаан тайлбайгаас буулгасан өнгөт гэрэл зураг, дүрс бичлэг байлаа. Тухайн үед АНУ-ын элчин сайдын яам Кремлийн ойролцоо байранд байрлаж байсан тул Мэнхоф байрны тагтан дээрээс эдгээрийг хийсэн байна.
Мэнхоф ер нь 1950-аад оны үеийн Зөвлөлтийн иргэдийн амьдралыг харуулсан олон материал үлдээсэн ба сүүлд тагнуул хийсэн хэргээр ЗХУ-аас хөөгдөж байжээ.
