Тагнуулын ерөнхий газрын судлаач Н.Батболдын эрхлэн гаргасан “Маршалын захидлууд” номд багтсан захидлуудаас хүргэж байна.
Иосиф Виссарионович Сталин: Оросын эзэнт гүрний Тифлис мужийн Горид 1878 онд төрсөн. 1920 оны сүүлчээс 1953 он хүртэл ЗСБНХУ-ын их удирдагчаар ажилласан.
Хөрвүүлэг:
1941 оны 11 сарын 2-ноо.
Бүгд Найрамдах Монгол Ард Улсын Сайд нарын зөвлөлийн дарга, Маршал Чойбалсанд:
Октябрийн агуу их нийгэм журмын хувьсгалын 24 жилийн ойн баярыг тохиолдуулан цуст фашизмыг эсэргүүцэн манай улсуудын ард түмний эрх чөлөө ба тусгаар тогтносон байдлын төлөөнөө баатарлагаар байлдаж буй улаан цэргийн байлдагч нарт бэлгүүдийг ирүүлж буй явдалд БНМАУ-ын Засгийн газрын болон Монголын ард түмэнд СССР-ийн Засгийн газар ба Зөвлөлт улсын олон үндэстэн ард түмний нэрийн өмнөөс чин үнэн зүрхний баярыг илэрхийлмүй.
СССР-ийн Ардын комиссар нарын зөвлөлийн дарга Сталин
