Монголын бүхий л томоохон пүүс компаниудын нүүр царай болж релкамны ертөнцийг байлдан дагуулж явсан топ Т.Баярзулыг нам жим болгосон шалтгаан нь гэр бүлийн амьдрал. Тэрээр монголын хэвлэлийн магнат Ц.Балдорж агны хүү Б.Мөнхтүшигтэй гэр бүл болж гурван хүүхдийн ээж, ухаантай, үзэсгэлэнт гэргийн нөмөр түшгийг үзүүлж яваа. Б.Баттүшигийн хувьд ааваасаа “Улаанбаатар” зочид буудал, “UB Тэрэлж-2” амралтын газрыг өвөлж авсан гэдэг.
“Univerise best songs” наадмын шилдэг оролцогчдын нэг Очгэрэл “Mongolian Beauty” гэгч фотомоделийн тэмцээнээр олны танил болж байсан урлагт хайртай нэгэн. Тус тэмцээний тэргүүн байрыг эзлэж байсан Очгэрэлд харц унагах эрчүүд олон байсан гэдэг ч тэрээр амьдралынхаа ханиар Монгол Банкны ерөнхийлөгч асан, УИХ-ын гишүүн О.Чулуунбатын хүү Ч.Бөртөнбатыг сонгосон юм. Тэд үерхээд ердөө хоёр cap болоод хуримаа хийсэн төдийгүй одоо хоёр ч хүүхдийн аав ээж.
23-р дунд сургуульд нэг ангид хамт сурч байсан О.Содбилэг, Э.Туул нарыг мөн л ангийнх нь анд дуучин Минжинсор Швейцарьт учруулсан гэдэг. Хачирхалтай нь тэд Швейцарьт бие биенээ таниагүй бөгөөд Минжээ “Туулаа энэ манай ангийн Содоо байгаа биз дээ” гэснээс хос хоёрын харилцаа эхэлсэн гэж байгаа. Боловсролоороо хаана ч, хэний ч доор орохооргүй нүүр бардам Э.Туул хэмээх бүсгүй өдгөө “Ажигана” компанийн ерөнхий захирлын албыг хашиж байгаа.
Оны өмнөхөн талхны үнэ 300 төгрөг гэж тэнэгтсэн Сангийн дэд сайд Ч.Ганхуягын эхнэр Уянга олны анхааралд байдаг бүсгүйчүүдийн нэг. Бие бялдар, царай зүсний тухайд загвар өмсөгчдөөс дээр гэлтэй ихэмсэг тэрээр анх “Хас банкинд” теллер хийдэг байхдаа нөхөртэйгээ танилцаж байжээ. Үнэхээр сайхны өмнө харц буруугүй гэдэг шүү дээ.
Цагтаа монголын сайхан бүсгүй тэмцээнд амжилттай оролцож явсан Э.Мөнгөнцэцэгийг Холливуудын алдарт жүжигчин Анжелина Жолитой адилхан гэх нь бий. Түүнийг “Түшиг” их дэлгүүрийн захирал С.Баттүшигийн гэргий гэдгээр нь хүмүүс андахгүй.
ГОК-ийн захиарл Ч.Ганзоригийн хүү Г.Тэмүүлэн ирээдүйд чамгүй улс төрч болно гэдэгт олон хүн итгэлтэй байдаг. Харин түүний гэргий Энхзул гэгч хоёр ихэр хүүхэд гаргасан бүсгүй бий. Тэрээр брэнд хувцаснуудын анхдагч дэлгүүрүүдийн нэг “Ханбүргэдэй” худалдааны төвийн боссын охин билээ.
Дээдсийн таалдаг бүсгүй гэгддэг зартай, зайтай бүсгүйчүүдийн нэг бол Г.Оюунгэрэл. Ерөнхий сайд асан С.Баяр, “Эко”-ийн Нямдаваатай нэр холбогдож байх үедээ “Өөрт минь хань болчихоор залууг хайж явна. Харамсалтай нь миний шалгуурт тэнцэх, сэтгэлд таарах залуу олдохгүй юм” хэмээн ярьж байсан. Харин өдгөө мисс бүсгүйн сэтгэлд нийцсэн залуугаар “Монголросцветмет”-ээр овоглодог Х.Бадамсүрэн гишүүний хүү Бадрах тодорсон.
ОХУ-д элчин сайдаар сууж байсан ноён Хангайн ууган хүү Алтайг маш өндөр боловсролтой, ирээдүйд ихийг бүтээх залуу гэдэг. С.Баяр, Сү.Батболд нарын туслахаар ажиллаж байсан 29 настай энэ залуу өдгөө Хөрөнгийн биржийн дэд захирлаар ажиллаж байгаа.Харин түүний гэргий Авиддарь хэмээх өвөрмөц нэртэй бүсгүй монголын хөрөнгөтнүүдийн гоо үзэсгэлэнгээрээ манлайлдаг гэргий нарын нэг яахын аргагүй мөн билээ.
