1880 онд АНУ-ын Chicago хотын иргэдийн төлөөлөгчдийн хурлын дарга байсан James Peevey өөрийн хотын өнгө үзэмжийг чимэхийн тулд “муухай хууль” баталжээ. Уг хуульд зааснаар бол төрөлхийн нүүр амны гажигтай, ямар нэгэн өвчний улмаас нүүрэндээ гажигтай болсон болон хамгийн ахисан төвшний царай муутай хүмүүсийг хотын гудамжаар алхуулахгүйг заасан байв. Харин хамгийн царай муутай гэдгийг хэрхэн тогтоох тухай уг хуульд заагаагүй бөгөөд чухам нийгмийн олонхийн үзэмжээр үүнийг шийдэж байсан юм.
Хамгийн хачирхалтай нь уг хуулийн ард иргэд нь дуу нэгтэй хүлээн зөвшөөрсөн бөгөөд хэрэн уг 3 ангилалд багтах хүн олон нийтийн газраар зорчих юм бол 1-50 доллар хүртэл торгуулах, хэрэв төлбөрийн чадваргүй бол гянданд хоригдох шийтгэлтэй байв. Гэтэл уг хуулийг батлаад 10 хүрээгүй жил өнгөрч байхад баруун Европын улсууд хуулийг нь дуурайн Герман, Их Британи зэрэг улсууд цөм “муухай хууль”-ийг баталсан байдаг. Гэвч хүний эрх, эрх чөлөөний үзлийг өөрсдийн үндэсний үзэл баримтлал болгож эхэлсэн барууны орнууд тун хожим буюу 1970 оноос эхлэн уг хуулиа цуцалсан түүхтэй.
Гэхдээ өнөөдрийг хүртэл ийм хуультай нэг улс дэлхийд байсаар байгаа нь Хойд Солонгос юм. Харин барууны ертөнцөд хамгийн сүүлд “муухай хууль”-ийг 1974 онд Omaha-ын нэгэн цагдаа биеэрээ дүүрэн шарх сорвитой гэр оронгүй хүнийг барьж өөрийн хүслийг хангахын тулд тамлан зовоосон байдаг. Уг үйлдлээ тайлбарлахдаа “муухай хууль”-ийг уг гэр оронгүй эр зөрчсөн хэмээн мэдүүлжээ. Гэвч тухайн цаг үед хэдийнээ уг хуулийг цуцалсан байсан бөгөөд цагдаа гэр оронгүй хүнийг мэдээлэл авах эх үүсвэргүй тул мэдэхгүй хэмээн бодож өөрийн хүсэл шуналаа хангасан хэрэг байв. Энэ нь барууны соёл иргэншилт ертөнцөд “муухай хууль” үйлчилсэн хамгийн сүүлчийн тохиолдол болон бүртгэгджээ. Гэхдээ мэдээж энэ бүхний эцэст цагдаа хариуцлагаа хүлээсэн байдаг. Өнөөдөр манай нийгэмд иймэрхүү хууль гарвал та бүхэн хэрхэн хүлээж авах бэ?
